أحمد عبدالله محمود: المنافسة بين أبناء الفنانين كبيرة

Share it:

أكد الفنان أحمد عبدالله محمود، أنه يعتقد أنه جيله تعرض للظلم بشكل كبير، وذلك بسبب كثرة ظهور الوجوه الجديدة، لدرجة أنه أصبح يشاهد عملًا فنيًا، ولا يعرف أغلب الممثلين، فأصبحت الأدوار المعروضة لا تكفي الجميع.

وأضاف أحمد عبدالله، "في منافسة كبيرة بين أبناء الفنانين، عشان الناس بتحب أبهاتنا فبتبقى متوقعة منا أكتر.. المنافسة اللي عملها الجمهور مش إحنا كوسط فني، لأننا مثل الإخوات".

وعن مسلسل طايع، قال: "أول ما جالي طايع، العمل ككل سواء الإخراج أو الإنتاج كان بالنسبة لي حاجة شيك أنا بيفرق معايا الدلع، كممثل بحب أحس إني متدلع وواخد حقي فطبعا بتفرق كتير عشان الواحد يطلع شغل أحسن".

أما عن طبيعة شخصية سلطان، فقال: "الابن الكبير بيبقى دايما أكتر واحد منغمس في الشغل مع أهله، وفي تفاصيل صغيرة هي اللي بتبين الشخصية وسلطان كان الكبير وكان قاسي وده بان في كذا حاجة زي زيارته لأخوه في السجن من غير حتى ما يحضنه وزوجاته اللي مابيحاولش يشوفهم. عموما أنا بحب التفاصيل الصغيرة اللي بتبين الشخصية وبتبين الممثل مذاكرها كويس ولا لأ".

وعن العمل أمام الزعيم، قال: "الشغل قدام الزعيم عادل إمام كان كأني في امتحان مع إني بشوفه كتير لكن الشغل قدامه حاجة تانية حتى لو كان مشهد واحد".

وعن رأيه في المسلسلات الـ 60 حلقة، قال: "أنا كممثل مابحبش الأدوار اللي في مسلسلات الـ 60 حلقة لأن بيبقى في تكرار لكن في مسلسلات فيها أحداث وتحتمل زي مسلسل أبو العروسة الجزء الأول كان كله أحداث لكن في أعمال تانية بتبقى ماتحتملش التطويل وبتحس إنك بتعيد الكلام لكن بطريقة مختلفة".

وبسؤاله عن رأيه في الخلافات حول ترتيب الأسماء والأجر أيضًا، قال: "في الأول مكنش بيفرق معايا الأجر وترتيب الاسم لكن من حوالي سنتين بدأت أركز لأن ده حقي. ولو اسمي ظهر في الترتيب رقم 7 في العمل ده معناه إنه ممكن يظهر الرابع في العمل اللي بعده وهكذا".

وفي سؤاله عن أعماله القادمة، قال: "اليومين دول بقرأ حاجات كتير وكلها off season مش لرمضان وفي جزء تاني من أبو العروسة وحاسس إن ربنا كرمني فمش عايز أتسرع".
Share it:

فن

Post A Comment:

0 comments: